في كم نصيحة اتعلمتهم من خلال الشغل لمدة تلاتة سنين أو تلاتة ونص أقراهم يمكن يفيدوك ..

- وقت الصلاة، تخلي كل الشغل الفي يدك عشان ربنا يبارك ليك ( لا خير ف عمل يُلهي عن الصلاة ) ..

- ما تركز على نجاح غيرك ..
خليك ف نفسك وركز ع نجاحك وبس .

- الرضا والقناعة هم اللي بيوصلوك للكمال ف كل شىء ..

- أي مكان تمشيهو لازم تطلع بـ علاقات و network قوية .

- ما تنشر إحباط و طاقة سلبية ف مكان الشغل ...
(لو ما عاجباك البيئة ..خليها وامشي )

- ف بداية شغلك القروش ما أهم ولا كل حاجة ..
الخبرة والعلاقات أهم بكتير ..
ودا ما معناه انك ما تاخد مرتب خالص أو مرتب قليل جداً ..

- أعرِف حوجة السوق ..و أعرف قدراتك و العندك ..و أعرف محتاج تزود شنو و تشتغل على شنو و ابدأ طوالي ..

- لازم تعرف قبل ما تتخرج انت عايز تشتغل شنو بالظبط ، وتبدأ تتقن المجال من قبل التخرج .. علشان التوهان البحصل بعد التخرج كعب شديد ..

- اشتغل وانت ف الكلية لو بتقدر .. ح تستفيد وتكسب زمن كتير ..

- ( وجهة نظر شخصية ) شهادات الكورسات ما ح تنفعك و لا ح تشغّلك
المهم تستفيد من الكورس، وتطلع عارف تشتغل بإيدك و تطبق اللي اتعملته..

- ف الشغل البرتفوليو أهم من ال CV ..

- الثقة ف ربنا هي اللي حـ تخليك شغال وانت مرتاح ومطمن على النتيجة والرزق ..

- حاول طور نفسك كل يوم حتى ولو ب مقال صغير أو فيديو بسيط ..

- ادّخر كل شهر جزء لو حتى لو 500 جنية تتبرع بيها بنية البركة ف الرزق والعلم اللي عندك ..

- اقرأ ف المصحف حتى لو صفحة واحدة ف اليوم وانت ماشي الشغل أو راجع ف المواصلات

- البدايه 50 % من النهاية .. والخوف مقبرة الفُرص ..كل ما ح تخاف كل ما ح تضيع من ايدك فرص كتير

- ( حب ما تعمل ) يعني كوّن علاقة حب مع شغلك قوية جدا ..و شتغل الحاجة اللي ممكن تشتغلها لفترة من غير ما تاخد عليها أي مقابل ..

-تاني ..لو ما حبيت شغلك عمرك ما حـ تعرف تنجز، أو تبدع، أو تخت بصمتك ف المجال ..

- سيرتك وسمعتك أهم من شطارتك ..

-اشتغل على نفسك و ورّي الناس شغلك لحد ما كل الشركات هم اللي يتمنو لو تشتغل معاهم بدون انترفيو كمان 😌❤️

إن شاء الله أكون قدرت أفيدك ... و آخر حاجة..أنوي دائماً الخير من شغلك عشان ربنا يبارك ليك و يفتحها عليك ❤️

#آية_عبدو
▿ Show more